У канцы студзеня ў Маскве прайшла Зімовая школа па юдаікі «Ізраіль ад старажытнасці да сучаснасці: канфлікты і кампрамісы». Яна была арганізавана Цэнтрам навуковых работнікаў і выкладчыкаў юдаікі ў ВНУ «Сэфер» сумесна з International Center for University Teaching of Jewish Civilization, the Hebrew University of Jerusalem пры падтрымцы Genesis Philanthropy Group, Расійскага яўрэйскага кангрэса і Фонду прэзідэнцкіх грантаў. У школе займаліся каля 100 чалавек з Расіі, Беларусі, Украіны, Польшчы, Латвіі, Малдовы, Кыргызстана.
Па запрашэнні арганізатараў ўдзел у ёй прыняў дацэнт кафедры гісторыі славян і спецыяльных гістарычных дысцыплін, кандыдат гістарычных навук Сяргей Верэмееў.
Праграма школы ўключала лекцыйныя курсы, майстар-класы і культурныя мерапрыемствы. Іх праводзілі вядучыя спецыялісты па юдаікі з Вышэйшай школы эканомікі (Масква), Інстытута краін Азіі і Афрыкі МДУ (Масква), Інстытута ўсходніх культур і антычнасці РГГУ (Санкт-Пецярбург), Інстытута ўсходніх рукапісаў РАН (Санкт-Пецярбург), Габрэйскага ўніверсітэта ў Іерусаліме , універсітэта Бар-Ілан (Ізраіль).
У ходзе работы Зімовай школы было разгледжана шырокае кола пытанняў гісторыі яўрэйскага народа і развіцця яўрэйскай думкі ў розныя эпохі ў розных рэгіёнах свету. Асаблівая ўвага была ўдзелена абмеркаванню праблем сучаснага ізраільскага грамадства, у тым ліку і рэлігійнай сітуацыі ў ім.
Удзел у дадзеным адукацыйным мерапрыемстве, кантакты з навукоўцамі з Расіі і іншых краін дазволілі азнаёміцца з найноўшымі навуковымі дасягненнямі і паглыбіць свае веды ў адпаведнай сферы, што ў далейшым будзе запатрабавана ў выкладанні шэрагу дысцыплін студэнтам і магістрантам гістарычнага факультэта. Акрамя таго, знаходжанне ў Маскве для беларускага даследчыка - гэта добрая магчымасць папрацаваць у Расійскай дзяржаўнай бібліятэцы ў рамках сваіх навуковых праектаў.
