9-10 лютага 2019 года ў Тэатральным інстытуце імя Б.Шчукіна (г. Масква) адбыўся суперфінал Міжнароднага тэатральнага конкурсу «Залатое сячэнне», у якім прынялі ўдзел трое ўдзельнікаў тэатра-студыі, які працуе пры Гомельскім палацы творчасці дзяцей і моладзі пад кіраўніцтвам А.В. Казловай, — студэнт трэцяга курса факультэта фізікі і інфармацыйных тэхналогій ГДУ імя Ф. Скарыны Андрэй Паўленка, студэнтка другога курсу гістарычнага факультэта ГДУ імя Ф. Скарыны Вольга Сівакова, а таксама студэнт Беларускай дзяржаўнай акадэміі мастацтваў Павел Салаўёў.
Заснавальнік праекта - ТАА «Прэм'ера-Ко» арганізаваў гэты конкурс з мэтай актывізацыі творчай дзейнасці таленавітых дзяцей і моладзі, абмена творчымі дасягненнямі і магчымага ўстанаўлення цесных кантактаў паміж творчымі калектывамі з розных гарадоў і краін, папулярызацыі творчасці таленавітых дзяцей і моладзі, развіцця кругагляду і інтэлектуальнага ўзроўню дзяцей і моладзі, а таксама прафесійнага ўдасканалення мастацкіх кіраўнікоў тэатраў і творчых калектываў.
Рашэнне аб удзеле ў конкурсе прымалася не толькі з жадання «сябе паказаць» і ўдала выступіць, але і з улікам павабнай перспектывы пачуць аргументаваны аналіз выступаў членамі прафесійнага журы, якія прымалі рашэнні адкрытым галасаваннем, і атрымаць іх парады падчас размовы за круглым сталом. Канкурсантам, чые працы спадабаліся больш за ўсё, арганізатары маглі прапанаваць супрацоўніцтва для далейшых выступаў на пляцоўках Масквы ці канкрэтную працу.
Заснавальнікам фестывалю загадзя былі абвешчаныя крытэрыі ацэнкі канкурсантаў. Да ўвагі прымаліся тэхніка і выразнасць, рэпертуар, выканальніцкае майстэрства, пастаноўка нумара (мастацкая выканальніцкая цэласнасць), касцюмы і рэквізіт, агульнае мастацкае ўражанне, музычнае афармленне, сучаснасць афармлення рэквізіту, апаратуры, касцюма, прычоскі выканаўцы, стылістыкі грыму.
Андрэй Паўленка выступаў у намінацыі «Мастацкае слова». Выкананыя ім вершы Мікалая Маёрава «Веснавое» не пакінулі абыякавымі членаў журы. У склад журы ўваходзілі дацэнт, загадчыца аддзела тэатральнага мастацтва і дзіцячай мастацкай творчасці Дзяржаўнага Расійскага Дома народнай творчасці імя В.Д. Паленава (ГРДНТ) міністэрства культуры Расійскай Федэрацыі М.І. Куц; спецыяліст ГДРНТ Д.М. Абдулiна; заслужаны артыст Расіі, прафесар, кандыдат педагагічных навук М.П. Семакоў; старшы выкладчык Тэатральнага інстытута імя Б. Шчукіна В.М. Маркін; расійскі акцёр тэатра і кіно, выкладчык Тэатральнага інстытута імя Б. Шчукіна К.Н. Балакіраў. Усе пяцёра высока ацанілі нумар фізіка-лірыка, выставіўшы ў суме 49 балаў з 50 магчымых.
Гэтак жа высока былі ацэнены і сцэнічныя нумары Вольгі Сіваковай і Паўла Салаўёва, якія былі ўдзельнікамі конкурсу ў намінацыі «Монаспектакль».
Па выніках конкурсу-фестывалю «Залатое сячэнне» усім траім гомельскім ўдзельнікам прысвоены званні лаўрэатаў I ступені з уручэннем дыпломаў і памятных кубкаў.
Кіраўніку маладых артыстаў Е.В. Казловай ўручана падзяка, падпісаная дырэктарам конкурсу-фестывалю, генеральным дырэктарам ТАА «Прэм'ера-Ко» С.А. Мураўёвай і членамі журы.
Віншуем А. Паўленка, О. Сівакову, П. Салаўёва і іх кіраўніка Е.В. Казлову з паспяховым выступленнем у міжнародным конкурсе-фестывалі «Залатое сячэнне». Жадаем ім новых поспехаў ва ўсіх творчых пачынаннях!
