З 18 па 24 сакавіка ў Рэспубліцы Беларусь праходзіць IV Тыдзень беларускага прадпрымальніцтва. У рамках акцыі «Прадпрымальнікі пра прадпрымальніцтва» для студэнтаў эканамічнага факультэта нашага універсітэта была арганізавана сустрэча з заснавальнікам і дырэктарам ТАА «Абутковая фабрыка Бацiчэллi» (г. Гомель), генеральным дырэктарам Цэнтра бізнэс развіцця, які з'яўляецца базавым цэнтрам падтрымкі прадпрымальніцтва па Гомельскай вобласці, афіцыйным прадстаўніком ТАА «FMR-Investment Group», членам Вышэйшай каардынацыйнай рады Рэспубліканскай канфедэрацыі прадпрымальніцтва Навумам Кацам.
У ходзе сустрэчы Навум Міхайлавіч падзяліўся са студэнтамі сваім шматгадовым вопытам работы ў сферы буйнога і малога бізнесу не толькі ў Рэспубліцы Беларусь, але і ў краінах Заходняй Еўропы і ЗША.
Спікер адзначыў ключавыя праблемы, з якімі сёння сутыкаюцца суб'екты буйнога і малога бізнесу ў ходзе ажыццяўлення вытворча-гаспадарчай дзейнасці і разгледзеў магчымыя спосабы іх нейтралізацыі на канкрэтных прыкладах.
Навум Міхайлавіч у ходзе дыскусіі неаднаразова падкрэсліваў, што для дасягнення поспеху любой арганізацыі незалежна ад яе памеру, неабходна наяўнасць эфектыўнай і гнуткай арганізацыйнай структуры кіравання, якая можа хутка адаптавацца да змен, што адбываюцца ў навакольным асяроддзі. А кіраванне арганізацыяй павінна мець стратэгічны характар і ўключаць чатыры узаемазвязаных працэсу: аналіз макра-, канкурэнтнага і ўнутранага асяроддзя; выпрацоўку мэтаў і місіі арганізацыі; выбар стратэгіі і яе рэалізацыю; ацэнку, кантроль і рэгуляванне стратэгіі.
Выступ прадпрымальніка выклікала цікавасць у студэнцкай аўдыторыі. Прысутныя мелі ўнікальную магчымасць запазычыць вопыт у сферы кіравання суб'ектамі буйнога і малога бізнесу і задаць свае пытанні.
