Больш за 10 студэнтаў і творчых калектываў ГДУ імя Ф. Скарыны ўзнагароджаны дыпломамі Міністэрства адукацыі за ўдзел у конкурсах рэспубліканскага фестывалю мастацкай творчасці навучэнцаў і студэнцкай моладзі «АРТ-вакацыі 2018».
Мэта фестывалю, які праводзіцца з 2003 года, – грамадзянска-патрыятычнае і мастацка-эстэтычнае выхаванне моладзі, падтрымка творчых ініцыятыў. Арганізатары "АРТ-вакацый" – Міністэрства адукацыі і Нацыянальны цэнтр мастацкай творчасці дзяцей і моладзі. А ўдзел у фестывалі прымаюць студэнты дзённай формы навучання ўстаноў вышэйшай адукацыі, а таксама творчыя калектывы і індывідуальныя выканаўцы.
Выдатныя вынікі ў «АРТ-вакацыях 2018» прадэманстравалі студэнты філалагічнага факультэта ГДУ. Здольныя, творчыя і крэатыўныя, яны адзначаны дыпломамі рознай ступені.
Так, у намінацыі “Публіцыстыка” ў філолагаў ГДУ адразу тры дыпломы: І ступені – у Аляксандры Тамашковай, ІІ ступені – Яўгена Пархоменкі, ІІІ ступені – Анастасіі Чэкан. Дадонава Анастасія ўзнагароджана дыпломам II ступені ў намінацыі “Паэзія”.
Акрамя таго, дыплом ІІ ступені заваявалі Аліна Мельнікава і Мікалай Абазавік на рэспубліканскім конкурсе сучаснай лічбавай творчасці студэнтаў “АРТ-партал” (намінацыя “Рэцытыцыя. Творчы вопыт”). У Мікіты Малашкова дыплом ІІ ступені ў намінацыі “Студ-арт. Творчы вопыт” (відэа). Дыпломам ІІІ ступені (намінацыя “Фотаканцэпт”) рэспубліканскай выставы візуальнай творчасці студэнтаў “Грані творчасці” ўзнагароджана Паліна Заўтрыкава.
Читать полностью на сайте http://gp.by
