У пачатку лета ў Нацыянальным выставачным цэнтры БелЭкспа прайшло маштабнае спаборніцтва па спартыўнай робататэхніцы - VII Мінскі адкрыты робатурнiр. Сваё майстэрства ў вынаходстве і канструяванні робатаў прадэманстравалі больш за 1000 удзельнікаў з розных краін. Паспрачаліся за званне лепшага робататэхніка і прадстаўнікі ГДУ імя Ф. Скарыны - студэнты факультэта фізікі і інфармацыйных тэхналогій Глеб Пінчук, Таццяна Пашкевіч, Анастасія Масленкiна, Аляксандр Скрэжандеўскi, Віктар Грамыка і Арцём Вiнiдзiктаў.
Хлопцы ў складзе каманд ўдзельнічалі ў конкурсе «Прытрымліванне па лініі. Профі ». Сканструяваныя імі Lego-робаты і машыны на робоплатформе спаборнічалі ў праходжанні ўчастка трасы з паваротамі і скрыжаваннямі за максімальна кароткі час. З 27 каманд толькі 15 паспяхова прайшлі заезд, пры гэтым робаты нашых студэнтаў паказалі выдатны хуткасны вынік і ўвайшлі ў дзесятку лепшых!
- Перахвалявалiся ... Кіраваць машынай няпроста, здавалася, вось-вось саскочыць з выгнутай лініі, і тады - усё прапала, - падзялілася адна з удзельніц. - Але эмоцыі і дух саперніцтва турніру проста галавакружны. У наступным годзе прыедзем зноў ужо з ўдасканаленымі робатамі!
