Па запрашэнні адукацыйнай установы «Моладзевая асацыяцыя Дронов», размешчаным у г.Тбилиси (Грузія) і пры падтрымцы Гомельскай асацыяцыі дзяцей і моладзі «ASDEMO» загадчык кафедры экалогіі Аксана Кавалёва і дацэнт кафедры Таццяна Цімафеева c 3 па 11 верасня прынялі ўдзел у мерапрыемстве праграмы ERASMUS + «Outdoor Education Encyclopedia for Youth Workers».
40 прадстаўнікоў з 8 краін (Беларусі, Расійскай Федэрацыі, Грузіі, Эстоніі, Германіі, Іспаніі, Украіны і Польшчы) сабраліся ў намётавым мястэчку паблізу г.Рача для абмену вопытам правядзення выязных палявых практык, турыстычных паходаў з калегамі з вядучых арганізацый, якія ажыццяўляюць моладзевыя абмены па адукацыйных праграмах з падтрымкай ERASMUS + у галіне экалогіі, геаграфіі і г.д.
Вывучаны новыя метадычныя падыходы правядзення навучальных мерапрыемстваў на адкрытым паветры, у тым ліку палявых практык і палявых навукова-даследчых экспедыцый у адпаведнасці з сучаснымі еўрапейскімі стандартамі. Таксама, выкладчыкі кафедры прайшлі навучанне міжнародным стандартам тэхнікі бяспекі пры арганізацыі выязных намётавых студэнцкіх лагераў у рамках адукацыйнага працэсу.
Галоўнай падзеяй праекта стаў двухдзённы паход у горы з узняццем на вышыню 2890 метраў (пройдзена каля 11 км) да аднаго з найпрыгажэйшых высакагорных азёр Грузіі - Удзиро (бяздоннае). Возера вулканічнага паходжання, размешчана паміж вяршынямі Китицвета і Доломиси, вышыня якіх перавышае 3 тысячы метраў над узроўнем мора. З лістапада возера замярзае прыкладна да канца траўня. У летні час тэмпература вады выграваецца да + 10о. Падчас экспедыцыі вывучаны асаблівасці высакагорных ландшафтаў, ледавіковыя адклады, гісторыя ўзнікнення возера.
Атрыманыя ў выніку праекта метадычныя веды і навыкі будуць укаранёны пры правядзенні штогадовых палявых выязных практык кафедры экалогіі: геамарфалагічнымі, глебавай, геалагічнай, ландшафтна-экалагічнай, метэаралагічнай і гідралагічнай.
Кафедра экалогіі дзякуе каманду «Моладзевай асацыяцыі Дронов» за ўсебаковую дапамогу і падтрымку на працягу ўсяго праекта.
