У Палацы Незалежнасці прайшоў рэспубліканскі навагодні баль, які стаў ужо традыцыйным. Мерапрыемства сабрала некалькі сотняў самых таленавітых студэнтаў і старшакласнікаў з усёй Беларусі. Шанец акунуцца ў гісторыю, выканаць класічны вальс і іншыя танцы ў такім статусным і знакавым для краіны будынку – гэта сапраўдны падарунак для беларускай моладзі за неверагодную стараннасць і дасягнутыя поспехі.
Нам прыемна адзначыць, што адну з лепшых ВНУ рэспублікі, Гомельскі дзяржаўны ўніверсітэт імя Францыска Скарыны, прадставілі чатыры студэнты:
- Ганна Шаўцова – уладальніца тытула “Студэнт года – 2020” ГДУ, сакратар пярвічкі БРСМ эканамічнага факультэта;
- Анастасія Лебедзь – член перспектыўнага кадравага рэзерву Гомельскага аблвыканкама, старшыня студсавета факультэта фізічнай культуры, удзельнік фінальных спаборніцтваў Рэспубліканскай універсіяды па тэнісе і бадмінтоне;
- Дзмітрый Дрэйзін – старшыня студэнцкага савета, сакратар пярвічкі БРСМ факультэта матэматыкі і тэхналогій праграміравання;
- Уладзіслаў Везарка – актыўны ўдзельнік грамадскага жыцця гістарычнага факультэта, універсітэта, БРСМ, аўтар некалькіх навуковых работ.
Хлопцы з захапленнем расказваюць пра навагодны баль, дзеляцца яркімі ўражаннямі:
– Наведаць такое маштабнае мерапрыемства, дзе прысутнічаў Прэзідэнт нашай краіны Аляксандр Рыгоравіч Лукашэнка, зрабіць памятныя фота з Міністрам адукацыі Ігарам Васільевічам Карпенка і Намеснікам Прэм'ер-міністра Ігарам Віктаравічам Петрышэнка, пазнаёміцца з неверагодна таленавітай моладдзю са ўсёй Беларусі – гэта сапраўды падарунак і незабыўныя эмоцыі, якія кожны з нас пранясе з сабой праз усё жыццё!
