19 студзеня ў парк-гатэлі «Замкавы» адбылася абласная дыялогавая пляцоўка па развіцці турыстычнай прывабнасці Беларусі і індустрыі ўнутранага турызму.
У мерапрыемстве ўдзельнічалі прадстаўнікі адказных структур органаў дзяржаўнага кіравання горада і вобласці, турыстычных прадпрыемстваў, гасцініц і музеяў.
Гомельскі дзяржуніверсітэт прадставілі дэкан гістарычнага факультэта Чарапко Станіслаў Аляксандравіч, дэкан геолага-геаграфічнага факультэта Гусеў Андрэй Пятровіч, загадчык кафедры англійскай мовы Пачынак Таццяна Віктараўна і дацэнт кафедры паліталогіі і сацыялогіі Касьяненка Анатоль Пятровіч.
Ключавымі пытаннямі праграмы абмеркавання з’явіліся:
- эфектыўнасць работы заканадаўства ў сферы турызму;
- кадравы патэнцыял у турыстычнай індустрыі;
- сучасныя тэхналогіі рэкламы турыстычнага прадукту і інш.
Прадстаўнікі нашага ўніверсітэта выступілі ў кантэксце адзінага дакладу ў секцыі «Кадравы патэнцыял у сферы турызму», кожны ўнёс свой уклад у разгляд гэтай праблемы: «Удзел устаноў вышэйшай адукацыі ў фарміраванні кадравага, навуковага і вучэбна-метадычнага забеспячэння развіцця турыстычнай індустрыі і павышэнні турыстычнай прывабнасці Рэспублікі Беларусь: на прыкладзе Гомельскага дзяржаўнага ўніверсітэта імя Францыска Скарыны».
Былі выпрацаваны і вынесены на абмеркаванне канкрэтныя прапановы, якія тычацца кадравай забяспечанасці турыстычнай галіны ў вобласці і пытанняў працаўладкавання, метадычнага забеспячэння кваліфікацыйнага экзамену для падрыхтоўкі сертыфікаваных экскурсаводаў і гідаў-перакладчыкаў, неабходнасці правядзення штогадовай міжнароднай канферэнцыі па абмене сусветным вопытам у развіцці турыстычнай індустрыі і тэматычных мерапрыемстваў, развіцця студэнцкага адукацыйнага турызму і інш. Прапановы тычыліся падтрымкі і магчымага ўдзелу універсітэта ў развіцці турыстычнага іміджу Гомельскай вобласці і рэспублікі.
Важным пасылам і высновай дыскусіі з'явіўся пастулат - толькі нашы кансалідаваныя намаганні і актывізацыя сумеснай работы ў павышэнні турыстычнай прывабнасці нашай краіны забяспечаць устойлівае пазіцыянаванне Беларусі на міжнародным і нацыянальным рынку турыстычных паслуг.
Рабочая група ўніверсітэта – удзельнікі дыялогавай пляцоўкі
