У жыцці Ігара Віктаравіча Макарава – чэмпіёна XXVIII Алімпійскіх гульняў у Афінах, заслужанага майстра спорту Рэспублікі Беларусь – было вельмі шмат незабыўных сустрэч з цікавымі людзьмі. Адна з іх здарылася ў верасні мінулага года. Так, менавіта здарылася! Таму што яе перадгісторыя досыць незвычайная. Наокі Наката, выкладчык і трэнер па дзюдо японскага ўніверсітэта Сендай, чэмпіён Азіі па дзюдо, захацеў пазнаёміцца з адзіным у гісторыі алімпійскім чэмпіёнам па дзюдо з Беларусі. Наокі знайшоў Ігара ў сацсетках і дамовіўся аб сустрэчы. Так, наш алімпійскі чэмпіён прымаў у сябе дома госця з Японіі.
Па словах Ігара Віктаравіча, гутарка была вельмі доўгай і цікавай. Размаўлялі пра жыццё, пра краіны і традыцыі і, вядома ж, пра дзюдо – абодва спартсмены з’яўляюцца ўладальнікамі шостага дадзена па дзюдо і чырвона-белага пояса. Дамовіліся, што ў наступны прыезд Наокі правядзе майстар-клас для дзюдаістаў “Школы дзюдо Ігара Макарава”.
Абяцаная сустрэча адбылася ў сярэдзіне студзеня, і Наокі правёў трэніроўку з выхаванцамі “Школы дзюдо Ігара Макарава”, якая функцыянуе на базе нашай ВНУ. Юныя спартсмены засталіся ў захапленні! Ці будзе яшчэ магчымасць трэніравацца ў адной зале адразу з двума майстрамі дзюдо найвышэйшага класа! На заканчэнне сустрэчы госць з Японіі пагадзіўся на індывідуальныя фотасесіі (а іх было 40, на што не кожны дарослы пагодзіцца, трэба аддаць належнае вытрымцы японца!) з юнымі дзюдаістамі, за што хлопцы былі вельмі яму ўдзячныя.
Для будучых трэнераў, якіх з гэтага навучальнага года рыхтуе факультэт фізічнай культуры нашай ВНУ, Наокі Накату правёў майстар-клас. Студэнты былі вельмі рады нечаканаму сюрпрызу, атрымалі масу уражанняў і запазычылі шмат карыснага для сваёй будучай прафесіі.
Ігар Макараў – таленавіты спартсмен і прафесійны трэнер, яркі, добры і пазітыўны чалавек. Для яго не існуе “не тых часоў!” і непераадольных вяршыняў, ён робіць усё магчымае “тут і цяпер”, радуецца кожнаму дню і вучыць гэтаму наша маладое пакаленне!
Марына Кажадуб,
кіраўнік спартыўнага прэс-цэнтра
