Сёння праходзіць папярэдні этап універсітэцкай алімпіяды па ўсіх прадметах. Навучэнцы Гомеля і вобласці, прайшоўшы папярэднюю рэгістрацыю на сайце ГДУ, сабраліся, каб паспрабаваць шчасця і праверыць, наколькі яны гатовы стаць студэнтам ВНУ. Большасць адказвае на пытанні алімпіяды ў анлайн-рэжыме, але рабятам, якія здаюць фізіку, пашанцавала менш. Усе 43 удзельнікі алімпіяды па фізіцы вырашаюць задачы ў аўдыторыях ГДУ пад пільным наглядам відэакамер. На выкананне заданняў адводзіцца 2,5 гадзіны.
Нагадаем, у чым заключаюцца асаблівасці алімпіяд.
Алімпіяда абітурыентаў праходзіць у два этапы. Першы (папярэдні) этап праходзіць дыстанцыйна (па фізіцы - вочна) 27 снежня 2022 года. Да ўдзелу дапускаюцца ўсе навучэнцы выпускных класаў, якія прайшлі рэгістрацыю на www.gsu.by. Другі (заключны) этап алімпіяды праводзіцца вочна на базе ўстановы адукацыі "Гомельскі дзяржаўны ўніверсітэт імя Францыска Скарыны" (18 і 25 лютага 2023 года). Да другога этапа дапускаюцца ўдзельнікі, якія ў ходзе выканання заданняў першага (папярэдняга) этапа пераадолелі кваліфікацыйны мінімум (на падставе рэйтынгу набраных балаў). Пераможцамі і прызёрамі алімпіяды лічацца ўдзельнікі, якія набралі найбольшую сумарную колькасць балаў (але не менш як 50 працэнтаў ад агульнай сумы балаў) і ўзнагароджаны дыпломамі I, II, III ступені.
Фота Аляксандра ЛАПАЦІНА і з архіву ГДУ
