Дэкан юрыдычнага факультэта Ірына Эсмантовіч прыняла ўдзел у дыскусійнай пляцоўцы навуковага часопіса "Паўночна-Каўказскі юрыдычны веснік" на базе Прэзідэнцкай акадэміі Паўднёва-Расійскага інстытута кіравання РАНХіГС, дзе абмяркоўваліся праблемы канстытуцыйна-прававога афармлення постсавецкіх палітычных сістэм.
У дыскусіі прынялі ўдзел вучоныя з Расійскай Федэрацыі, Рэспублікі Беларусь і Кыргызстана.
Доктар юрыдычных навук, прафесар Васілевіч Г.А., загадчык кафедры канстытуцыйнага права БДУ, член-карэспандэнт НАН Беларусі ахарактарызаваў асноўныя напрамкі ўдасканалення палітычнай сістэмы беларускага грамадства на сучасным этапе.
Хопёрская Л.Л., доктар палітычных навук, прафесар Кіргізска-Расійскага славянскага ўніверсітэта імя Б.М. Ельцына (г. Бішкек, Кыргызстан) прааналізавала канстытуцыйныя рэформы ў Кіргізскай Рэспубліцы.
Эсмантовіч І.І. прасачыла пераемнасць развіцця на тэрыторыі Беларусі органаў народнага прадстаўніцтва, уплыў надання канстытуцыйнага статусу Усебеларускаму народнаму сходу на развіццё інстытутаў грамадзянскай супольнасці і павышэння актыўнасці палітычных партый і грамадскіх аб'яднанняў.
Аўсепян Ж.І., прафесар, доктар юрыдычных навук (Паўднёвы Федэральны ўніверсітэт) і Баранаў П.П., доктар юрыдычных навук, прафесар, загадчык кафедры канстытуцыйнага і муніцыпальнага права ЮРІУ РАНХіГС далі экспертнае заключэнне па артыкуле Аляксеева Р.А., кандыдата палітычных навук, дацэнта кафедры паліталогіі і права Маскоўскага дзяржаўнага абласнога ўніверсітэта «Канстытуцыйна-прававое афармленне постсавецкіх палітычных сістэм: параўнальны аналіз».
У ходзе абмеркавання канстытуцыйна-прававога рэфармавання палітычных сістэм Расіі, Беларусі, Кыргызстана, Украіны, Азербайджана і шэрагу суседніх дзяржаў удзельнікі дыскусіі прыйшлі да вываду, з аднаго боку, аб падабенстве праводзімых пераўтварэнняў у гэтых дзяржавах, пераемнасці прававога развіцця. З іншага боку, палітычная і прававая сістэма кожнай дзяржавы залежыць ад уплыву мясцовых фактараў: узроўня сацыяльнай канфліктнасці, урадавай нестабільнасці, «палітычнага набежніцтва» ва ўладу, якасці нарматыўных актаў, якія ствараюцца.
Узняты цікавыя пытанні тэорыі права, якія будуць выкарыстаны ў навуковай і педагагічнай дзейнасці юрыдычнага факультэта.
