З 20 па 26 студзеня ў Цюбiнгенскiм універсітэце Эбэрхарда Карла (Германія) праходзіла сустрэча каардынатараў праграм беларуска-германскага супрацоўніцтва гісторыкаў у рамках праекта Erasmus +. З беларускага боку, акрамя ГДУ імя. Ф Скарыны, прысутнічалі прадстаўнікі Беларускага, Гродзенскага, Магілёўскага, Полацкага дзяржаўных універсітэтаў. Нашу ВНУ прадстаўляў загадчык кафедры ўсеагульнай гісторыі кандыдат гістарычных навук, дацэнт Станіслаў Чарапко.
Быў праведзены шэраг сустрэч з кіраўніцтвам філасофскага факультэта, аддзела міжнародных сувязяў і прафесурай Цюбiнгенскага ўніверсітэта. У ходзе візіту абмяркоўваліся пытанні развіцця супрацоўніцтва паміж беларускімі вышэйшымі навучальнымі ўстановамі і Цюбінгенскiм універсітэтам, у прыватнасці была дасягнутая дамоўленасць аб працягу сумеснай дзейнасці ў рамках акадэмічнай мабільнасці выкладчыкаў і студэнтаў у 2019-2020 гг.
Гістарычны факультэт нашага універсітэта супрацоўнічае з нямецкімі калегамі з 2017 г., калі загадчык кафедры ўсеагульнай гісторыі С.А. Чарапко па запрашэнні нямецкага боку прачытаў курс лекцый перад студэнтамі і аспірантамі Цюбiнгенскага ўніверсітэта. У 2018 г. курс лекцый у Цюбінгене прачытала дацэнт кафедры ўсеагульнай гісторыі Е.Н. Дуброўка. У сваю чаргу, доктар гістарычных навук А. Келлер двойчы наведвала наш універсітэт, прачытаўшы лекцыі студэнтам і магістрантам гістарычнага факультэта. Новым крокам у пашырэнні супрацоўніцтва стала накіраванне на паўгадавую стажыроўку ў Цюбінген магістранта кафедры ўсеагульнай гісторыі Міхаіла Шпета.
Прыемна, што ў ходзе абмеркавання ўжо існуючага вопыту сумеснай працы, нямецкімі калегамі была дадзена высокая ацэнка ўзроўню падрыхтоўкі гомельскіх студэнтаў-гісторыкаў, а таксама адзначаны высокія прафесійныя якасці выкладчыкаў гістарычнага факультэта ГДУ імя. Ф. Скарыны. Спадзяемся, што супрацоўніцтва гісторыкаў з Гомеля і Цюбінгена будзе плённа развівацца ў далейшым.
