З часу папярэдняга візіту Сяргея Траццякова ў ГДУ імя Ф. Скарыны не прайшло і двух гадоў. Аднак жа і такі невялікі тэрмін можа стаць прарыўным для вучонага-фізіка - зусім нядаўна ў лабараторыі Універсітэта Аалто пабачылі свет новыя цуды навукі.
- Мы зрабілі сапраўдны прарыў, стварыўшы дзве абсалютна нябачныя тонкія паверхні, праз якія свабодна праходзіць святло, - падзяліўся прафесар. - Распрацоўка стане асновай для стварэння звышмагутных антэн і звышадчувальных сэнсараў. Праект распрацоўваўся ў супрацоўніцтве з расійскімі калегамі з універсітэта ІЦМА. А вось да рэалізацыі чарговы задумкі хацелася б прыцягнуць вучоных Гомельскага дзяржуніверсітэта.
Узаемадзеянне з фізікамі ГДУ імя Ф. Скарыны зарадзілася шмат гадоў таму. Пунктам сутыкнення ў навуковых інтарэсах сталі даследаванні дзіўных уласцівасцяў метаматэрыялаў. Не аднойчы гомельскія і фінскія навукоўцы перасякаліся ў рамках агульнай навуковай тэмы, удзельнічалі ў міжнародных канферэнцыях, дзяліліся вынікамі праведзенай працы.
Акрамя вопытных даследчыкаў, да праектаў прыцягвалася і моладзь. Паказальны прыклад такога ўзаемадзеяння - аспірант ГДУ імя Ф. Скарыны Віктар Асадчы, які абараніў кандыдацкую дысертацыю і атрымаў навуковую ступень доктара філасофіі па фізіцы ў Універсітэце Аалто. Падае надзеі хлопца ў свой час заўважылі і падтрымалі прафесары Ігар Семчанка і Сяргей Траццякоў.
- Маладыя навукоўцы валодаюць такой якасцю, як смеласць. А для навукі гэта вельмі важна - не баяцца спатыкнуцца, ўмець рызыкаваць, рабіць тое, што ніхто і ніколі не рабіў да цябе, - лічыць Сяргей Траццякоў. - І калі ў ГДУ ёсць такія рабяты, як Віктар, з задавальненнем дапамагу ім рэалізаваць свае здольнасці.
Пра перспектывы сучаснай навукі, пра тое, якіх прарываў можна чакаць у найбліжэйшай будучыні, госць нашага ўніверсітэта распавядаў студэнтам падчас сваіх лекцый. Паводле яго слоў, метаматэрыялы - гэта бясконцая поле магчымасцяў для чалавека, бо самыя вялікія адкрыцці ў гэтай сферы яшчэ толькі трэба будзе здзейсніць.
Фота Уладзіміра Чысцікa
