У Гомелі адбыўся VI пленум абласнога камітэта БРСМ, у якім прынялі ўдзел прарэктар па выхаваўчай працы Юрый Нікіцюк, начальнік аддзела моладзевых ініцыятываў і студэнцкага самакіравання Кацярына Федарэнка і студэнт факультэта фізічнай культуры Мікалай Лiтоўкiн.
Падчас пленума абмяркоўваліся вынікі работы абласной моладзевай арганізацыі за мінулы год і задачы на гэты. Асобная ўвага нададзена працы першасных арганізацый ва ўстановах адукацыі і на прадпрыемствах, а таксама пытанням правядзення сацыяльна-значных мерапрыемстваў, працаўладкавання моладзі і працы студэнцкіх атрадаў.
2018 год для абласной арганізацыі стаў яркім, насычаным, актыўным. Было адзначана, што дасягненні нашага рэгіёну вельмі прыкметныя на ўзроўні рэспублікі. Былому сакратару пярвічнай арганізацыі з правамі раённага камітэта ГА «БРСМ» установы адукацыі «Гомельскі дзяржаўны ўніверсітэт імя Ф. Скарыны» Кацярыне Федарэнка ўручана падзяка за актыўны ўдзел у праектах і праграмах Беларускага рэспубліканскага саюза моладзі.
Па матэрыялах газеты "Гомельскія ведамасці"
