Дэлегацыя ГДУ імя Ф.Скарыны на чале з першым прарэктарам Андрэем Круком прыняла ўдзел у міжнароднай навукова-практычнай канферэнцыі па адукацыйнаму праву, якая праходзіла з 9 па 12 кастрычніка 2019 г. у Вільнюсе (Літва) на базе Універсітэта Вітаўта Вялікага.
Дадзеная канферэнцыя стала завяршальным мерапрыемствам Міжнароднага праекта EduLAw «Распрацоўка адукацыйных модуляў па праву для педагагічных напрамкаў падрыхтоўкі як ўклад у станаўленне сістэмы адукацыі, заснаванай на абароне правоў удзельнікаў адукацыйнага працэсу» (Праграмы ERASMUS + пад эгідай і пры суфінансаванні Еўрапейскай Камісіі). Праект рэалізоўваўся кансорцыумам 12 універсітэтаў Беларусі, Расійскай Федэрацыі, Польшчы, Албаніі, Літвы, Бельгіі на працягу трох гадоў - з 2017 па 2019 гады.
У ходзе канферэнцыі ўдзельнікі прадставілі даклады аб выніках рэалізацыі праекта ва ўласных ўстановах вышэйшай адукацыі і рэгіёнах.
За час, якое прайшло з пачатку рэалізацыі праекта удзельнікамі рабочых груп падрыхтаваны навучальныя дапаможнікі па адукацыйнаму праве для студэнтаў педагагічных спецыяльнасцяў, праведзены навучальныя семінары, створана сістэма тэставання студэнтаў, падрыхтаваны відэа-лекцыі, ажыццёўлена апрабацыя курсаў у універсітэтах-партнёрах.
Вышэйназваны праект з'яўляецца актуальным для ўсёй сістэмы адукацыі Рэспублікі Беларусь, бо яго рэалізацыя дазволіць у найбліжэйшай будучыні ўсіх удзельнікаў адукацыйнага працэсу як у вышэйшым, так і ў сярэдняй адукацыі авалодаць асновамі адукацыйнага права.
Уладзіслаў Бейзер
