Прадстаўнікі студэнцкага савета Гомельскага дзяржуніверсітэта, а таксама іншых ВНУ нашай рэспублікі і Расійскай Федэрацыі прынялі ўдзел у беларуска-расійскай анлайн-канферэнцыі “Роля студэнцкага самакіравання ў адукацыйнай прасторы ўніверсітэта”. З прывітальным словам да прысутных звярнуліся намеснік начальніка Галоўнага ўпраўлення выхаваўчай работы і маладзёжнай палітыкі – начальнік упраўлення па справах моладзі Міністэрства адукацыі Рэспублікі Беларусь Таццяна Сіманоўская і дырэктар Дэпартамента дзяржаўнай маладзёжнай палітыкі Міністэрства навукі і вышэйшай адукацыі Расійскай Федэрацыі Дзяніс Ашыраў.
Старшыні студсаветаў расказалі аб асноўных кірунках дзейнасці сваіх падраздзяленняў, розных формах самарэалізацыі, вопыце ўзаемадзеяння кіраўніцтва ўстаноў з органамі студэнцкага самакіравання.
Да ўсяго іншага, былі абмеркаваныя распрацоўка на 2021 год канцэпцыі развіцця студсаветаў у навучальных установах Беларусі, а таксама вопыт расійскіх калег у грантавай падтрымцы моладзевых ініцыятыў.
Напрыканцы ўдзельнікі канферэнцыі падвялі вынікі і абмеркавалі далейшыя перспектывы партнёрства.
