На базе спартыўнага комплексу № 7 ГДУ імя Ф.Скарыны прайшло першынство ўніверсітэта па бадмінтоне сярод юнакоў і дзяўчат.
У дынамічнай барацьбе перамогу сярод дзяўчат атрымала студэнтка факультэта псіхалогіі і педагогікі Дар'я Ярашэвіч (адказны за спартыўна-масавую работу факультэта - Дзмітрый Хіхлуха). Сярэбраным прызёрам стала Ксенія Нягай - Нецэвіч, студэнтка факультэта матэматыкі і тэхналогій праграмавання (адказны за спартыўна-масавую работу - Дзмітрый Захарчанка). Прадстаўніца філалагічнага факультэта Аляксандра Мухіна заняла ІІІ месца (адказны за спартыўна-масавую работу – Святлана Марціновіч).
Перамогу ў спаборніцтвах сярод юнакоў атрымаў Іван Дацэнка, прадстаўнік факультэта матэматыкі і тэхналогій праграмавання (адказны за спартыўна-масавую работу - Дзмітрый Захарчанка). ІІ месца дасталася студэнту факультэта псіхалогіі і педагогікі Паўлу Маслянкову. Бронзавым прызёрам турніру стаў студэнт факультэта фізікі і інфармацыйных тэхналогій Сяргей Саўчук (адказны за спартыўна-масавую работу – Марыя Кастырка).
Пераможцы і прызёры спаборніцтваў былі ўзнагароджаны дыпломамі ад спартыўнага клуба.
Судзейства спаборніцтваў ажыццяўлялі выкладчыкі кафедры фізічнага выхавання і спорту Міхаіл Коршук і Андрэй Блашкевіч
Віншуем лепшых бадмінтаністаў і адказных за спартова-масавую працу! Жадаем далейшых перамог!
Марына Кажадуб, кіраўнік спартыўнага прэс-цэнтра
