Актуальныя праблемы ўдасканалення дасудовай вытворчасці ў крымінальным працэсе сталі асновай парадку дня I Міжнароднай навукова-практычнай канферэнцыі, прымеркаванай 7-ай гадавіне ўтварэння Следчага камітэта Рэспублікі Беларусь.
Абмен думкамі па актуальных тэарэтычных праблемах крымінальнага працэсу ў стадыі папярэдняга расследавання, па словах намесніка старшыні Следчага камітэта Рэспублікі Беларусь Сяргея Аземшы, цікавы для шырокага кола спецыялістаў.
Як адзначыў рэктар ГДУ Сяргей Хахомаў, канферэнцыя карысная для сімбіёзу навукоўцаў і практыкаў, спрыяе павышэнню кваліфікацыі выкладчыкаў, паляпшэнню якасці адукацыйнага працэсу, узмацненню практыка-арыентаванасці ў падрыхтоўцы будучых юрыстаў.
У працы канферэнцыі прынялі ўдзел прадстаўнікі Беларусі, Расіі, Літвы, Польшчы і Італіі. Дастаткова сімвалічным стаў факт выступлення на пленарным пасяджэнні даследчыкаў з Кракава і Падуанскага ўніверсітэта, дзе вучыўся і абараняў ступень доктара медыцыны Францыск Скарына.
Суарганізатарамі канферэнцыі выступілі ўпраўленне Следчага камітэта па Гомельскай вобласці, Гомельскае абласное грамадскае аб'яднанне "Саюз следчых", Гомельскі дзяржаўны ўніверсітэт імя Ф. Скарыны.
Фота прадастаўлены афіцыйным прадстаўніком
УСК па Гомельскай вобласці
Марыяй Крываногавай
